Ұсынылып отырған оқу құралы – баланың қолын жазуға дайындауға арналған тренажер. Құралда мектепалды жастағы балалардың графикалық жазу дағдысын, ынтасы мен зейінін дамытуға бағытталған графикалық диктанттар мен басқа да тапсырмалардың қарапайым сызбасы берілген. Жаттығуларды қарындаштың көмегімен орындаған жөн, себебі қате кеткен артық сызықтарды өшіріп, тапсырманы қайтадан орындауға мүмкіндік болады. Графикалық диктанттағы сурет салу нүктеден басталады, ал көрсетілген әркеттер баған бойынша орындалады. Ересек адамның көмегімен немесе өз бетімен тор көздермен жылжи отырып, бала ереже бойынша әрекет етуге, кеңістікте бағдарлауға және мұғалімнің тапсырмасын түсінуге үйренеді.